ಅರಿತಂಗೆ ಅರವತ್ತು | ಮರೆತಂಗೆ ಮೂವತ್ತು | ಬರೆವಂಗೆ ರಾಜ್ಯ ಸರಿಪಾಲು | ಹಾರುವನು | ಬರೆಯದೇ ಕೆಟ್ಟ ಸರ್ವಜ್ಞ ||

ಒಳಗೊಂದು ಕೋರುವನು | ಹೊರಗೊಂದು ಕೋರುವನು | ಕೆಳಗೆಂದು ಬೀಳ ಹಾರುವನ ಸರ್ಪನಾ | ಸುಳಿವು ಬೇಡೆಂದ ಸರ್ವಜ್ಞ ||

ತಂದೆ ಹಾರುವನಲ್ಲ | ತಾಯಿ ಮಾಳಿಯು ಅಲ್ಲ ಚಂದ್ರಶೇಖರನ ವರಪುತ್ರ - ನಾ ನಿಮ್ಮ ಕಂದನಲ್ಲೆಂಬೆ ಸರ್ವಜ್ಞ

ಮುಟ್ಟಾದ ಹೊಲೆಯೊಳಗೆ | ಹುಟ್ಟುವುದು ಜಗವೆಲ್ಲ | ಮುಟ್ಟಬೇಡೆಂದ ತೊಲಗುವಾ ಹಾರುವನು | ಹುಟ್ಟಿರುವನೆಲ್ಲಿ ಸರ್ವಜ್ಞ ||

ಹಾರುವನು ಉಪಕಾರಿ | ಹಾರುವನು ಅಪಕಾರಿ | ಹಾರುವನು ತೋರ್ಪ ಬಹುದಾರಿ ಮುನಿದರ್‍ಆ | ಹಾರುವನೆ ಮಾರಿ ಸರ್ವಜ್ಞ ||

ಹೆಂಡಕ್ಕೆ ಹೊಲೆಯ ತಾ | ಕಂಡಕ್ಕೆ ಕಟುಗ ತಾ | ದಂಡಕ್ಕೆ ಕೃಷಿಕ ಹಾರುವನು ತಾ ಪಿಂಡಕ್ಕೆ ಇಡುವ ಸರ್ವಜ್ಞ ||

ಹೊಲಿಗೇರಿಯಲಿ ಹುಟ್ಟಿ | ವಿಲುದನಾ ಮನೆಯಿರ್ದ | ಸತಿಧರ್ಮ ದಾನಿಯೆನಿಸದಲೆ ಹಾರುವನು | ಕುಲಕೆ ಹೋರುವನು ಸರ್ವಜ್ಞ ||