ಒಟ್ಟು 25 ಕಡೆಗಳಲ್ಲಿ , 1 ವಚನಕಾರರು , 24 ವಚನಗಳಲ್ಲಿ ಈ ಪದವನ್ನು ಬಳಸಿರುತ್ತಾರೆ
ಅಡಿಯನಿಮ್ಮಡಿ ಮಾಡಿ | ಒಡಕೂಡಿ ಹನ್ನೊಂದು ತಡೆಯದಿನ್ನೂರು ಹತ್ತಕ್ಕೆ ಭಾಗಿಸಲು | ನಡೆವ ಗಳಿಗಕ್ಕು ಸರ್ವಜ್ಞ ||
ಅತ್ತೆ ಮಾಡಿದ ತಪ್ಪು | ಗೊತ್ತಿಲ್ಲದಡಗಿಹುದು | ತೊತ್ತದನು ಮಾಡಿದಾಕ್ಷಣದಿ ಸುತ್ತಲುಂ | ಗೊತ್ತಿಹುದು ನೋಡ ಸರ್ವಜ್ಞ ||
ಅರಿತು ಮಾಡಿದ ಪಾಪ | ಮರೆತರದು ಪೋಪುದೇ | ಮರೆತರಾಮರವ ಬಿಡಿಸುವದು ಕೊರೆತೆಯದು | ಅರಿತು ನೋಡೆಂದ ಸರ್ವಜ್ಞ ||
ಅರಿಯ ದೆಸಗಿದೆ ಪಾಪ | ಅರಿತರದು ತನಗೊಳಿತು | ಅರಿತರಿತು ಮಾಡಿ ಮರೆತವನು ತನ್ನ ತಾ | ನಿರಿದುಕೊಂಡಂತೆ ಸರ್ವಜ್ಞ ||
ಕಡುಗಾಸಿ ಚಿಮ್ಮಾಡಿ | ಕುಡಿಮಗುಚಿ ಕತ್ತರಿಸಿ | ಪುಡೆವೆಡೆಗಳೊಳಗೆ ಸಿಡಿಸಿದನು ಸಂವಳಿಸಿ | ಪಡೆದ ಪ್ರತಿವೆರಸಿ ಸರ್ವಜ್ಞ ||
ಕುಡಿವ ನೀರನು ತಂದು | ಅಡಿಗೆ ಮಾಡಿದ ಮೇಲೆ | ಒಡನುಣ್ಣದಾಗದಿಂತೆಂಬ ಮನುಜರ್ಅ | ಒಡನಾಟವೇಕೆ ಸರ್ವಜ್ಞ ||
ಕೊಟ್ಟಣವ ಕುಟ್ಟುವದು | ಮೊಟ್ಟೆಯದು ಹೊರಿಸುವದು | ಬಿಟ್ಟ-ಕೂಲಿಗಳ ಮಾಡಿಸುವದು ಗೇಣು | ಹೊಟ್ಟೆ ಕಾಣಯ್ಯ ಸರ್ವಜ್ಞ ||
ಕೊಡಲೊಬ್ಬಳು ಸತಿಯು | ನೋಡಲೊಬ್ಬ ನೆಂಟ | ಬೇಡಿದ್ದನ್ನು ಕೊಡುವ ನೃಪತಿಯು ಭಕ್ತಿಯನು | ಮಾಡಿದರಿಗುಂಟು ಸರ್ವಜ್ಞ ||
ಗಂಹರವ ಹೊಕ್ಕಿರ್ದು | ಸಿಂಹಗಳ ನಿರಿಯುವದು | ಸಂಹರವ ಮಾಡಿ ತರಿಯುವದು ದುರ್ಜನರ | ಜಿಹ್ವೆ ಕೇಳೆಂದ ಸರ್ವಜ್ಞ ||
ಗಾಡವಿಲ್ಲದ ಬಿಲ್ಲು | ಕೋಡಿಯಿಲ್ಲದ ಕೆರೆಯು | ಬೇಡಂಗೆ ಮಾಡಿದುಪಕಾರ ಕಡೆಯಲ್ಲಿ | ಕೇಡು ಕಾಣಯ್ಯ ಸರ್ವಜ್ಞ ||
ತಪ್ಪು ಮಾಡಿದ ಮನುಜ | ಗೊಪ್ಪುವದು ಸಂಕೋಲೆ | ತಪ್ಪು ಮಾಡದಲೆ ಸೆರೆಯು ಸಂಕೋಲೆಗಳು | ಬಪ್ಪವನೆ ಪಾಪಿ ಸರ್ವಜ್ಞ ||
ತಪ್ಪು ಮಾಡಿದವಂಗೆ | ಒಪ್ಪುವದು ಸಂಕೋಲೆ ತಪ್ಪಿಲ್ಲದಿಪ್ಪ | ಶರಣಂಗೆ ಸಂಕೋಲೆ ಬಪ್ಪುದದೇಕೆ ಸರ್ವಜ್ಞ ||
ತೋಡಿದ್ದ ಬಾವಿಂಗೆ | ಕೂಡಿದ್ದ ಜಲ ಸಾಕ್ಷಿ | ಮಾಡಿರ್ದಕೆಲ್ಲ ಮನಸಾಕ್ಷಿ ಸರ್ವಕ್ಕು | ಮೃಢನೆ ತಾ ಸಾಕ್ಷಿ ಸರ್ವಜ್ಞ ||
ನರಹತ್ಯವೆಂಬುದು | ನರಕದಾ ನಡುಮನೆಯು | ಗುರು ಶಿಶುವು ನರರ ಹತ್ಯವನು ಮಾಡಿದನ | ಇರವು ರೌರವವು ಸರ್ವಜ್ಞ ||
ಬೂದಿಯೊಳು ಹುದುಗಿಸುತ | ವೇಧಿಸುತ ಮರೆಮಾಡಿ | ಕಾದಿರ್ದ ಚಿನ್ನದೊಳು ಬೆರಸಿ ಒರೆಹಚ್ಚಿ | ಊದುತಲಿ ಟೊಣೆವ ಸರ್ವಜ್ಞ ||