ಅಕ್ಕರವ ಕಲಿತಾತ | ಒಕ್ಕಲನು ತಿನಗಲಿತ | ಲೆಕ್ಕವನು ಕಲಿತ ಕರಣಿಕನು ನರಕದಲಿ | ಹೊಕ್ಕಾಡ ಕಲಿತ ಸರ್ವಜ್ಞ ||

ಅಟ್ಟರಿ ಅದರ ಘನ | ಸುಟ್ಟರೂ ಕುಂಟಣಿ ಘನ | ಇಟ್ಟಗೆಯ ಮೂಗನರಿದರೂ ಮೂರುಭವ | ಕಟ್ಟು ಕೂಡುವವು ಸರ್ವಜ್ಞ ||

ಅಡಿಕೆ ಹಾಕಿದ ಬಾಯಿ | ಕಟಕವಿಲ್ಲದ ಕಿವಿಯು | ಒಣಕಿನಾ ಮನಿಯು ನಿಲುಕದಾ ಫಲಕೆ ನರಿ

ಅತ್ತಲಂಬಲಿಯೊಳಗೆ ಇತ್ತೊಬ್ಬನಿದ್ದಾನೆ | ಅತ್ತವನ ನೋಡು ಜನರೆಲ್ಲ ಈ ತುತ್ತ | ನೆಂತುಂಬರಯ್ಯ ಸರ್ವಜ್ಞ ||

ಅಂಧಕನು ನಿಂದಿರಲು | ಮುಂದೆ ಬಪ್ಪರ ಕಾಣ | ಬಂದರೆ ಬಾರೆಂದೆನರ್ಪ ಗರ್ವಿಯಾ | ದಂದುಗನೆ ಬೇಡ ಸರ್ವಜ್ಞ ||

ಅರಿತವರ ಮುಂದೆ ತ | ನ್ನರಿವನ್ನು ಮೆರೆಯುವದು | ಅರಿಯದನ ಮುಂದೆ ಮೆರೆದರಾ ಹೊನ್ನೆಂಬ | ತೊರೆಯ ಲೆಚ್ಚಂತೆ ಸರ್ವಜ್ಞ ||

ಅರ್ಥಸಿಕ್ಕರೆ ಬಿಡರು | ವ್ಯರ್ಥ ಶ್ರಮಪಡದ ನರ್ಥಕ್ಕೆ ಪರರ ನೂಕಿಪರು ವಿಪ್ರರಿಂ | ಸ್ವಾರ್ಥಿಗಳಿಲ್ಲ ಸರ್ವಜ್ಞ ||

ಅಷ್ಟದಲ ಕಮಲವನು | ಮೆಟ್ಟಿಪ್ಪ ಹಂಸ ತಾ | ಮುಟ್ಟಿಪ್ಪ ಗತಿಯನರಿಯದಾ ಯೋಗಿ ತಾ | ಕೆಟ್ಟನೆಂದರಿಗು ಸರ್ವಜ್ನ್ಯ ||

ಆಡಾದನಾ ಅಜನು | ಕೊಡಗನದಾದನು ಹರಿಯು ನೋಡಿದರೆ ಶಿವನು ನರಿಯಾದನೀ ಬೆಡಗೆ ರೂಢಿಯೊಳು ಬಲ್ಲೆ ಸರ್ವಜ್ಞ ||

ಆಹಾರವುಳ್ಳಲ್ಲಿ ಬೇಹಾರ ಫನವಕ್ಕು | ಆಹಾರದೊಳಗ ನರಿಧಿಪ್ಪ ಸೆಟ್ಟಿಗೇ | ಬೇಹಾರದಕ್ಕು ಸರ್ವಜ್ಞ ||

ಊರಗಳ ಮೂಲದಲಿ | ಮಾರನರಮನೆಯಲ್ಲಿ ಭೋರಿಜೀವಿಗಳ ಹುಟ್ಟಿಸಿದ - ಅಜನಿಗಿ ನ್ನಾರು ಸಾಯುಂಟೆ ಸರ್ವಜ್ಞ

ಊರಿಗೆ ದಾರಿಯ | ನಾರು ತೋರಿದರೇನು ಸಾರಾಯಮಪ್ಪ ಮತವನರಿಹಿಸುವ ಗುರು ಆರಾದೊಡೇನು ಸರ್ವಜ್ಞ

ಎಂಜಲೆಂಜಲು ಎಂದು | ಅಂಜುವರು ಹಾರುವರು | ಎಂಜಲಿಂದಾದ ತನುವಿರಲು ಅದನರಿದು | ಅಂಜಿತಿಹರೇಕೆ ಸರ್ವಜ್ಞ ||

ಎಲವು-ಕರಳ್-ನರ-ತೊಗಲು | ಬಿಲರಂದ್ರ-ಮಾಂಸದೊಳು | ಹಲತೆರೆದ ಮಲವು ಸುರಿದಿಲು | ಕುಲಕ್ಕಿನ್ನು | ಬಲವೆಲ್ಲಿ ಹೇಳು ಸರ್ವಜ್ಞ ||

ಎಲುವು - ತೊಗಲ್ - ನರ - ಮಾಂಸ | ಬಲಿದ ಚರ್ಮದ ಹೊದಿಕೆ | ಹೊಲೆ - ರಕ್ತ ಶುಕ್ಲದಿಂದಾದ ದೇಹಕ್ಕೆ | ಕುಲವಾವುದಯ್ಯ ಸರ್ವಜ್ಞ ||