ಅಡಿಯನಿಮ್ಮಡಿ ಮಾಡಿ | ಒಡಕೂಡಿ ಹನ್ನೊಂದು ತಡೆಯದಿನ್ನೂರು ಹತ್ತಕ್ಕೆ ಭಾಗಿಸಲು | ನಡೆವ ಗಳಿಗಕ್ಕು ಸರ್ವಜ್ಞ ||

ಆರಯ್ದು ನುಡಿವವನು | ಆರಯ್ದು ನಡೆವವನು | ಆರಯ್ದು ಪದವ ನಿಡುವವನು ಲೋಕಕ್ಕೆ ಆರಾಧ್ಯನಕ್ಕು ಸರ್ವಜ್ಞ ||

ಕರೆಯದಲೆ ಬರುವವನ | ಬರೆಯದಲೆ ಓದುವ ಬರಗಾಲಿನಿಂದ ನಡೆವವನ | ಕರೆತಂದು | ಕೆರೆದಿ ಹೊಡೆಯೆಂದ ಸರ್ವಜ್ಞ ||

ದಾರದಿಂದಲೇ ಮುತ್ತು | ಹಾರ್‍ಅವೆಂದೆನಿಸುಹುದು | ಆರೈದು ನಡೆವ ದ್ವಿಜರುಗಳ ಸಂಸರ್ಗ | ವಾರಿಂದ ಲಧಿಕ ಸರ್ವಜ್ಞ ||

ನಡೆವುದೊಂದೇ ಭೂಮಿ | ಕುಡಿವುದೊಂದೇ ನೀರು | ಸುಡುವಗ್ನಿಯೊಂದೇ ಇರುತಿರೆ ಕುಲಗೋತ್ರ | ನಡುವೆ ಎತ್ತಣದು ಸರ್ವಜ್ಞ ||

ಮರೆದೊಮ್ಮೆ ನಡೆವುತ್ತ | ಸರಕನೇ ಸೀತಿಹರೆ | ಅರಿದವರಡಿಯಿಡದೆ ನಿಲ್ಲುವುದು ಇಲ್ಲದಿರೆ ಇರಿದುಕೊಂಡಂತೆ ಸರ್ವಜ್ಞ ||