ಅಳೆ ಹೊಲ್ಲ ಆಡಿನಾ | ಕೆಳೆ ಹೊಲ್ಲ ಕೋಡಗನು | ಕೋಪ ಓಪರೊಳು ಹೊಲ್ಲ ಮೂರ್ಖನಾ | ಗೆಳೆತನವೆ ಹೊಲ್ಲ | ಸರ್ವಜ್ಞ ||

ಒಳಗೊಂದು ಕೋರುವನು | ಹೊರಗೊಂದು ಕೋರುವನು | ಕೆಳಗೆಂದು ಬೀಳ ಹಾರುವನ ಸರ್ಪನಾ | ಸುಳಿವು ಬೇಡೆಂದ ಸರ್ವಜ್ಞ ||

ಕರಿಕೆ ಕುದುರೆಗೆ ಲೇಸು | ಮುರಕವು ಹೆಣ್ಣಿಗೆ ಲೇಸು | ಅರಿಕೆಯುಳ್ಳವರ ಕೆಳೆಲೇಸು ಪಶುವಿಂಗೆ | ಗೊರೆಸುಲೇಸೆಂದ ಸರ್ವಜ್ಞ ||

ತುರುಕನಾ ನೆರೆ ಹೊಲ್ಲ | ಹರದನಾ ಕೆಳ ಹೊಲ್ಲ | ತಿರಿಗೊಳನಟ್ಟು ಉಣಹೊಲ್ಲ | ಪರಸ್ತ್ರೀಯ ಸರಸವೇ ಹೊಲ್ಲ | ಸರ್ವಜ್ಞ ||

ಬೇಡನಾ ಕೆಳೆಯಿಂದ | ಕೇಡು ತಪ್ಪಬಹುದೇ | ನೋಡಿ ನಂಬಿದರೆ ಕಡೆಗವನು ಕೇಡನ್ನು | ಮಾಡದಲೆ ಬಿಡನು ಸರ್ವಜ್ಞ ||

ಲೋಭದಿಂ ಕೌರವನು | ಲಾಭವನು ಪಡೆದಿಹನೆ ? | ನಾಭಿಯಿಂ ಕೆಳಗೆ ಎರಡೂರ ಕೊಂದಾಗ | ಲಾಭ ಬಂದಿಹುದೆ ಸರ್ವಜ್ಞ ||

ಸಂಗದಿಂ ಕೆಳೆಯಿಲ್ಲ | ಬಿಂಗದಿಂ ಹೊರೆಯಿಲ್ಲ ಗಂಗೆಯಿಂದಧಿಕ ನದಿಯಿಲ್ಲ - ಪರದೈವ ಲಿಂಗದಿಂದಿಲ್ಲ ಸರ್ವಜ್ಞ

ಸಂಗದಿಂ ಕೆಳೆಯಿಲ್ಲಿ | ಭಂಗದಿಂ ವ್ಯಥೆಯಿಲ್ಲ | ಗಂಗೆಯಿಂದಧಕ ನದಿಯಲ್ಲಿ ಪರದೈವ | ಲಿಂಗದಿಂದಿಲ್ಲ ಸರ್ವಜ್ಞ ||

ಸಾಲವನು ಮಾಡುವದು | ಹೇಲ ತಾ ಬಳಿಸುವದು | ಕಾಲಿನ ಕೆಳಗೆ ಕೆಡಹುವದು ತುತ್ತಿನಾ | ಚೀಲ ನೋಡಯ್ಯ ಸರ್ವಜ್ಞ ||