ಉಡುಹೀನ ಮೂಡಲುಂ | ನುಡಿಹೇನ ಬಡವಲುಂ | ಕಡುಕೋಪದವರು ಪಡುವಲಲಿ ತೆಂಕಲೊಳು | ಸಡಗರದಲಿಹರು ಸರ್ವಜ್ಞ ||

ಉಣ ಬಂದ ಲಿಂಗಕ್ಕೆ | ಉಣಲ್ಲಿಕ್ಕದಂತರಿಸಿ ಉಣದಿರ್ಪ ಲಿಂಗಕ್ಕುಣ ಬಡಿಸಿ - ಕೈಮುಗಿವ ಬಣಗುಗಳ ನೋಡ ಸರ್ವಜ್ಞ delete

ಉಣಲಡಿಗೆ ಹಲವಾಗಿ | ಕಣಿಕ ತಾನೊಂದಯ್ಯ ಮಣಲೇಸು ದೈವ ಘನವಾಗಿ - ಲೋಕಕ್ಕೆ ತ್ರಿಣಯನ ಸರ್ವಜ್ಞ

ಉಣ್ಣದಲೆ ಉರಿಯುವರು | ಮಣ್ಣಿನಲಿ ಮೆರೆಯುವರು | ಗಾಜೊಂದು ಲೋಹದೊಳಗಲ್ಲ ಅಂಬಲಿಯು | ಭೋಜನದೊಳಲ್ಲ ಸರ್ವಜ್ಞ ||

ಉತ್ತಮದ ವರ್ಣಿಗಳೆ | ಉತ್ತಮರು ಎನಬೇಡ | ಮತ್ತೆ ತನ್ನಂತೆ ಬಗೆವರನೆಲ್ಲರನು | ಉತ್ತಮರು ಎನ್ನು ಸರ್ವಜ್ಞ ||

ಉತ್ತಮರು ಎಂಬುವರು | ಸತ್ಯದಲಿ ನಡೆಯುವರು | ಉತ್ತಮರು ಅಧಮರೆನಬೇಡ ಅವರೊಂದು | ಮುತ್ತಿನಂತಿಹರು ಸರ್ವಜ್ಞ ||

ಉತ್ತಮರು ಪಾಲ್ಗೊಡಲೊ | ಳೆತ್ತಿದರೆ ಜನ್ಮವನು | ಉತ್ತಮರು ಅಧಮರೆನಬೇಡಿ ಹೊಲೆಯಿಲ್ಲ | ದುತ್ತಮರು ಎಲ್ಲಿ ಸರ್ವಜ್ಞ ||

ಉತ್ತೊಮ್ಮೆ ಹರಗದಲೆ | ಬಿತ್ತೊಮ್ಮೆ ನೋಡದಲೆ ಹೊತ್ತೇರಿ ಹೊಲಕೆ ಹೋಗಿಹರೆ ಅವ ತನ್ನ | ನೆತ್ತರವ ಸುಡುವ ಸರ್ವಜ್ಞ ||

ಉದ್ದರಿಯ ಕೊಟ್ಟಣ್ಣ | ಹದ್ದಾದ ಹಾವಾದ | ಎದ್ದೆದ್ದು ಬರುವ ನಾಯಾದ ಮೈಲಾರ ಗೊಗ್ಗಯ್ಯನಾದ ಸರ್ವಜ್ಞ ||

ಉದ್ದಿನಾ ಒಡೆ ಲೇಸು | ಬುದ್ಧಿಯಾ ನುಡಿ ಲೇಸು | ಬಿದ್ದೊಡನೆ ಕಯ್ಗೆ ಬರಲೇಸು ಶಿಶುವಿಂಗೆ | ಮುದ್ದಾಟ ಲೇಸು ಸರ್ವಜ್ಞ ||

ಉದ್ದು ಮದ್ದಿಗೆ ಹೊಲ್ಲ | ನಿದ್ದೆ ಯೋಗಿಗೆ ಹೊಲ್ಲ | ಬಿದ್ದಿರಲು ಹೊಲ್ಲ ಉದ್ಯೋಗಿ ಬಡವಂಗೆ | ಗುದ್ದಾಟ ಹೊಲ್ಲ ಸರ್ವಜ್ಞ ||

ಉದ್ದುರುಟು ಮಾತಾಡಿ | ಇದುದನು ಹೋಗಾಡಿ | ಉದ್ದನಾ ಮರವ ತುದಿಗೇರಿ ತಲೆಯೂರಿ | ಬಿದ್ದು ಸತ್ತಂತೆ ಸರ್ವಜ್ಞ ||

ಉಪ್ಪಿಲ್ಲದುಣ ಹೊಲ್ಲ | ಮುಪ್ಪು ಬಡತನ ಹೊಲ್ಲ | ತಪ್ಪನೇ ನುಡಿವ ಸತಿ ಹೊಲ್ಲ ತಾನೊಪ್ಪಿ | ತಪ್ಪುವದೆ ಹೊಲ್ಲ ಸರ್ವಜ್ಞ ||

ಉಂಬಳಿ ಇದ್ದಂತೆ | ಕಂಬಳಿಯ ಹೊದೆವರೆ ಶಂಭುವಿದ್ದಂತೆ ಮತ್ತೊಂದು - ದೈವವ ನಂಬುವನೆಗ್ಗ ಸರ್ವಜ್ಞ

ಉರಗನಾ ಮುಖದಲ್ಲಿ | ಇರುತಿಪ್ಪ ಕಪ್ಪೆ ತಾ | ನೆರಗುವಾ ನೊಣಕೆ ಹರಿದಂತೆ ಸಂಸಾರ | ದಿರವು ಕಾಣಯ್ಯ ಸರ್ವಜ್ಞ ||